راهێنانی ئیجباری له‌سه‌ر كێشه‌ی سیكسی، له‌مه‌كته‌بی بریتانیا

bana · **نێردراوە:** 3 شەم تەمموز 20, 2010 10:47 am


	راهێنانی ئیجباری له‌سه‌ر كێشه‌ی سیكسی، له‌مه‌كته‌بی بریتانیا به‌پێ راپۆرتی گاردین، به‌هۆی زیاده‌رۆی په‌یوه‌ندی سێكسی له‌نێوان هه‌رزه‌كاران‌و بڵابوونه‌وه‌ی دوگیانی‌و گواستنه‌وه‌ی ئه‌و نه‌خۆشیانه‌ی كه‌ له‌رێگه‌ی په‌یوه‌ندی سێكسیه‌وه‌ گه‌نجان‌و هه‌رزه‌كاران توشی ده‌بن،بووه‌ هۆی ئه‌وه‌ی كه‌حكومه‌تی به‌ریتانیا بیر له‌پرۆژه‌یه‌كی نوێ له‌سه‌ر راهێنانی په‌یوه‌ندی دروستی سێكسی له‌مه‌كته‌به‌كاندا بكاته‌ وانه‌یه‌كی ئیجباری كه‌هه‌موو قوتابیه‌ك سودی لێ وه‌رگرێت‌و زانیاری به‌ده‌ست بهێنێت. وه‌زیری په‌روه‌رده‌ی به‌ریتانیا وتی: ئێمه‌ ده‌مانه‌وێ سه‌ره‌تا راهێنانی په‌یوه‌ندییه‌كی دروستی سێكسی بۆ منداڵان‌و هه‌رزه‌كاران له‌مه‌كته‌به‌كاندا دابنێن، له‌به‌ر ئه‌وه‌ی له‌ته‌مه‌نی منداڵی‌و به‌بێ ئاگا‌و به‌ئاسانی نه‌چن به‌لای په‌یوه‌ندی سێكسی‌و ئه‌م راهێنانه‌ فێری ئه‌وه‌یان بكات كه‌له‌كاتی خۆیدا په‌یوه‌ندییه‌كی دروستی سێكسیان هه‌بێـت. وتیشی: ئێمه‌ زیاتر كار له‌سه‌ر منداڵانی ته‌مه‌ن 5 بۆ 7 ساڵان ده‌كه‌ین، چونكه‌ سه‌ره‌تای وه‌رگرتنی زانیاریانه‌‌و زۆر به‌جدیتر له‌ته‌مه‌نه‌كانی تر وه‌ری ده‌گرن‌و فێری ئه‌وه‌ ده‌بن كه‌چۆن په‌یوه‌ندی له‌گه‌ڵ هاوڕێكانیان دروست بكه‌ن‌و هه‌روه‌ها چۆن خۆیان له‌كێشه‌ سێكسیه‌كان دوور بخه‌نه‌وه‌‌و كۆنترۆڵی خۆیان بكه‌ن. به‌پێ ئه‌و سه‌ر ژمێریانه‌ی وا ئه‌نجام دراوه‌ هه‌موو قوتابیه‌ ته‌مه‌ن 5 ساڵه‌كان، ده‌بێت هه‌موو له‌شی مرۆڤ بناسن‌و چۆنیه‌تی زاوزێی له‌حه‌یوان‌و چۆنیه‌تی دروستبوونی خۆیان بزانن، زانیاری له‌سه‌ر وه‌رگرن. قوتابیه‌ ته‌مه‌ن 7 ساڵه‌كان قۆناغی خۆناساندن‌و بالغبوونی سێكسیان پێ ئاشنا ده‌كه‌ن‌و هه‌موو ئه‌و زانیاریانه‌ی وا پێویسته‌ له‌سه‌ر دوگیانی بزانن‌و فێریان ده‌كه‌ن. قوتابیه‌ ته‌مه‌ن 11 ساڵه‌كانیش، چۆنیه‌تی به‌رگریكردن له‌دووگیانی‌و چۆنیه‌تی دروست بوونی په‌یوه‌ندیه‌كی دروستی سێكسیان به‌دوور له‌گواستنه‌وه‌ی نه‌خۆشیان هه‌بێت . له‌م راپۆرته‌دا راگیه‌ندراوه‌ له‌ساڵی 2010 راهێنانی به‌ئاگاكردنه‌وه‌ی مه‌ترسیه‌كانی ماده‌ سڕكه‌ره‌كان‌و خواردنه‌وه‌ كحولیه‌كان‌و چۆنیه‌تی پاراستنی له‌شێكی دروست له‌نێوان هه‌رزه‌كاران‌و گه‌نجاندا له‌مه‌كته‌به‌كان ببێت به‌ئیجباری. وتیشی له‌پرۆژه‌شمانه‌دایه‌ ئه‌م پۆله‌ راهێنانیانه‌ به‌ربڵاوتر بكه‌ین‌و ئه‌م جاره‌ خێزانه‌كانیش ده‌بێت به‌شداری له‌م پۆلانه‌ بكه‌ن، به‌تایبه‌تی پۆلی راهێنانی كێشه‌ سێكسیه‌كان‌و وه‌رگرتنی زانیاری زیاتر له‌سه‌ر چۆنیه‌تی روبه‌رووبونه‌وه‌ی مناڵه‌كانیان له‌گه‌ڵ كێشه‌ سێكسیه‌كان.